2019 оны 01-р сарын 2-10 хоногийн хөдөө аж ахуйн цаг уурын тойм

Температур:

           Агаарын дундаж температур -13,3...-18,1 градус хүйтэн, хамгийн их температур нь Өмнөдэлгэр суманд 0,8градус дулаан, хамгийн бага температур нь Галшар, Өлзийт тосгонд -32,0 градус хүйтэн болж өнгөрлөө. Хэрлэнбаян, Галшар, Өлзийт, Батширээт суманд -30 градусыг давж 1-3 өдөр хүйтэрсэн, бусад сумдын нутгаар -30 градусыг давж хүйтрээгүй байна.

            Хөрсний дундаж температур -14,9...-21,0 градус хүйтэн, хамгийн их температур нь Өмнөдэлгэр суманд 10,0 градус дулаан, хамгийн бага температур нь Хэрлэнбаян тосгонд -35,1 градус хүрч хүйтэрсэн байна.

Тунадас:

 Нийт нутгаар хур тундас ороогүй байна.

Салхи:

             Салхины дундаж хурд 2-6м/с хүрснээс их салхи нь  8-21 м/с, хамгийн их нь Дархан суманд 21 м/с, хамгийн бага салхи нь Дадал суманд 8м/с хүрч салхилсан байна. Дадал сумаас бусад сумдын нутгаар 10/мс-ыг давж  салхилсан салхи 1-9 өдөр  ажиглагдсан байна.

Цасан бүрхүүл:

             Дадал суманд 6 баллын цасан бүрхүүлтэй цасны дундаж зузаан 1см, бусад нутгаар цасан бүрхүүлгүй байна.

Хөдөө аж ахуйн үйлдвэрлэлд зохиогдож буй ажил, цаг агаарын нөлөөлөл:

Энэ арав хоногт хөдөө аж ахуйн үйлдвэрлэлд мал оторлох, малд нэмэгдэл тэжээл өгөх зэрэг ажил хийгдэж байна. Эдгээр ажил хийгдэхэд цаг агаарын нөхцлөөс болж ажил саатаагүй.

                                                              Тойм бичсэн Ж.Дашцэрэн