2021 оны 02-р сарын I-10 хоногийн хөдөө аж ахуйн цаг уурын тойм

               Температур:

        Агаарын дундаж температур нь -12,1...-21.5 градус хүйтэн, олон жилийн дундажтай  харьцуулахад Цэнхэрмандал сум, Өлзийт тосгоны нутгаар дунджаас 0,5 градусаар хүйтэн, Хэрлэн, Баян-овоо, Галшар, Батноров, Батширээт сумдын нутгаар дунджийн орчим, бусад нутгаар дунджаас 0,1...3,3 градусаар дулаан болж өнгөрлөө. Хамгийн их температур нь Дархан суманд 1,5 градус дулаан, хамгийн бага температур нь Өлзийт тосгонд -38,7 градус хүйтэн болжээ. Дархан, Биндэр, Өмнөдэлгэр сумаас бусад сумдын нутгаар -30 градусыг давж 1-6 өдөр хүйтэрсэн байна.

         Хөрсний дундаж температур нь -18...-23  градус хүйтэн,  олон жилийн  дундажтай харьцуулахад Норовлин сум, Гурванбаян, Өлзийт тосгоны нутгаар  дунджаас 0,7..1,7 градусаар хүйтэн,  Хэрлэн, Баян-Овоо, Биндэр, Өмнөдэлгэр, Цэнхэрмандал, Батноров, Баян-Адарга  сумын нутгаар  дунджийн орчим, бусад нутгаар дундажаас 0,1...2,9 градусаар дулаан болжээ. Хамгийн их температур нь Цэнхэрмандал суманд 13,8 градус дулаан, хамгийн  бага температур нь Хэрлэн суманд -38,0 градус хүйтэн болсон байна. Нийт нутгаар -40 градусыг давж хүйтэрээгүй байна.

Тунадас:

              Биндэр, Баян-Овоо, Өмнөдэлгэр, Галшар, Батноров, Баян-Адарга, Цэнхэрмандал сумын нутгаар  1-2 өдөр, 0,0- 0,8 мм тунадас орсон байна..

              Салхи шуурга:

            Салхины дундаж хурд 2-4 м/с, их хурд нь 6 -17м/с хүрч салхилснаас хамгийн их салхи нь   Дархан, Өмнөдэлгэр суманд 17 м/с, хамгийн бага салхи нь Дадал суманд 6 м/с хүрч салхилжээ. Дадал, Баян-адарга сум, Өлзийт тосгоны нутгаас бусад сумдын нутгаар 10м/с –ээс их салхи 1-9 өдөр ажиглагджээ.

 Чийг:

            Агаарын харьцангуй чийгийн дундаж  57...77%, дутагдал чийгийн дундаж 0,1...1,2% байна. Нийт нутгаар 30% бага чийгтэй өдөр ажиглагдаагүй байна..

Цасан бүрхүүл:

           Нийт нутгаар  цасны дундаж зузаан 1-12см буюу нутгийн хойд хэсгээр 2-7см, өмнөд хэсгээр 2-6см, бусад нутгаар 4-12см байна. Биндэр, Батширээт, Галшар, Норовлин  сумдын нутгаар цасны нягт хэмжих хэмжээнд хүрээгүй бусад сумдын нутгаар 0,12...0,24гр/см куб байна

Мал аж ахуйн үйлдвэрлэлд хийгдэж  буй ажил цаг агаарын нөлөөлөл:

            Энэ арав хоногт мал аж ахуйн үйлдвэрлэлд мал оторлох,  хужир шүү бэлтгэх, малд нэмэгдэл тэжээл зэрэг ажил хийгдэж байна. Энэ арав хоногт  Батноров суманд 1751, Баян-овоо суманд 534, Батширээт суманд 8 толгой мал тус тус  хорогдсон байна. Малын усан хангамж Дархан, Цэнхэрмандал, Жаргалтхаан, Өмнөдэлгэр, Норовлин Биндэр сумдын нутгаар дунд зэрэг, бусад сумдын нутгаар сайн байна.

                                             Тойм бичсэн инженер Ж.Дашцэрэн