Цаг уурын мэдээ > Хөдөө аж ахуйн цаг уурын тойм
2021 оны 03-р сарын 3-10 хоногийн хөдөө аж ахуйн цаг уурын тойм
Температур:
Агаарын дундаж температур нь -1.1...3.0 градус дулаан, олон жилийн дундажтай харьцуулахад нийт нутгаар дунджаас 3,1...5,6 градусаар дулаан болж өнгөрлөө. Хамгийн их температур нь Галшар суманд 15,4 градус дулаан, хамгийн бага температур нь Галшар суманд -18,4 градус хүйтэн болжээ.
Хөрсний дундаж температур нь 0,6...5,4 градус дулаан, олон жилийн дундажтай харьцуулахад нийт нутгаар дунджаас 2,4...6,5 градусаар дулаан болжээ. Хамгийн их температур нь Хэрлэнбаян-Улаан тосгонд 36,1 градус дулаан, хамгийн бага температур нь Галшар суманд -19,0 градус хүйтэн болсон байна.
Тунадас:
Галшар сумаас бусад сумдын нутгаар 1-2 өдөр, 0,0 - 1,3 мм тунадас орсон байна. Орсон тунадасыг олон жилийн дундажтай харьцуулахад нийт нутгаар дунджаас бага оржээ.
Чийг:
Агаарын харьцангуй чийгийн дундаж 28...43%, дутагдал чийгийн дундаж 4,0...6,2% байна. Нийт нутгаар 30%-иас бага чийг 9-11 өдөр ажиглагдсан байна.
Салхи шуурга:
Салхины дундаж хурд 3-7 м/с, их хурд нь 16-24м/с хүрч салхилснаас хамгийн их салхи нь Дархан, Өмнөдэлгэр, Хэрлэн, Галшар, Дэлгэрхаан, Жаргалтхаан сум, Өлзийт тосгоны нутгаар 24 м/с, хамгийн бага салхи нь Дадал, Биндэр суманд 16 м/с хүрч салхилжээ. Нийт нутгаар 10м/с –ээс их салхи 4-11 өдөр салхилсан байна. Дадал, Биндэр, Дархан, Баян-Овоо, Хэрлэн, Батноров, Батширээт, Баян-Адарга, Норовлин,сум, Өлзийт, Гурванбаян, Хэрлэнбаян-Улаан тосгоны нутгаар явган шороон шуурга 1-4 өдөр 4-8 цаг, Хэрлэн сум, Хэрлэнбаян-Улаан тосгоны нутгаар шороон шуурга 1-4 өдөр 2-13 цаг, Дадал, Хэрлэн, Баян-Адарга, Норовлин сумдын нутгаар цасан явган шуурга 1 өдөр, 2-7 цаг, Биндэр, Норовлин, Баян-овоо, Батноров, Батширээт, Баян-адарга, Баянмөнх, Дэлгэрхаан, Жаргалтхаан сум, Гурванбаян, Хэрлэнбаян-улаан тосгоны нутгаар цас орон шуурга 1-2 өдөр 1-3 цаг шуурсан байна.
Цасан бүрхүүл:
Нийт нутгаар цасан бүрхүүлгүй байна.
Мал аж ахуйн үйлдвэрлэлд хийгдэж буй ажил цаг агаарын нөлөөлөл:
Энэ арав хоногт мал аж ахуйн үйлдвэрлэлд бог, бод мал төллүүлэх, ямааны ноолуур самнах, мал оторлох, малд нэмэгдэл тэжээл өгөх зэрэг ажил хийгдэж байна. Энэ арав хоногт Баян-овоо суманд 516 , Батноров суманд 250, Батширээт суманд 17 толгой мал тус тус хорогдсон байна. Малын усан хангамж Хэрлэн Дархан, Баянмөнх, Дэлгэрхаан, Жаргалтхаан, Өмнөдэлгэр, Галшар, Норовлин, Биндэр, Баян-Адарга сум, Өлзийт тогоны нутгаар дунд зэрэг, бусад сумдын нутгаар сайн байна.
Тойм бичсэн инженер Ж.Дашцэрэн
Холбоотой мэдээний жагсаалт
Гарчиг | Үүсгэсэн огноо | Шинэчлэгдсэн огноо | Хандалт |
2024 оны 03 дугаар сарын 1-10-р хоногийн хөдөө аж ахуйн тойм мэдээ | 2024-03-12 | 1970-01-01 | 7 |