Мэдээлэл > Уур амьсгалын өөрчлөлт, хандлага
2024 оны 06-р сарын уур амьсгалын тойм
![](/images/blank.gif)
![](/images/blank.gif)
Агаарын температур
Агаарын сарын дундаж температур 16.8 градус буюу олон жилийн дунджийн орчим дулаан байсан. Сарын дундаж температурыг олон жилийн дундажтай харьцуулахад нийт сумдын нутгаар олон жилийн дунджаас -1.3 .. +1.3 градус дулаан байлаа.
Агаарын хамгийн их, бага температур
Агаарын үнэмлэхүй их темпертур 27.1...32.6 градус дулаан, агаарын үнэмлэхүй бага температур 0.9...7.8 градус дулаан байна. Энэ сарын хамгийн дулаан утга Норовлин, Галшар суманд 32.6 градус хүрч дулаарсан бол агаарын хамгийн бага температур нь Батширээт суманд 0.9 градус хүрсэн байна.
Хур тунадас
Энэ сард нийт нутгаар 11 - 20 өдөрт 22.8 – 170.7 мм тунадас орсон. Сумдын хур тунадасны нийлбэр хэмжээ 1547.2 мм, 2023 оны 6 сараас 1156.2 мм их тунадас орсон байна. Олон жилийн дундаж тунадастай харьцуулвал Баянмөнх, Галшар, Дархан сумдад дунджаас бага, Жаргалтхаан, Өлзийт, Мөрөн суманд дунджын орчим орсон бол бусад сумдын нутгаар олон жилийн дунджаас 9.1- 105.6 мм хүртэлх их тунадас орсон байна. Хур тунадасны хамгийн их нь Норовлин суманд 170.7 мм тунадас орлоо.
Салхи
Салхины дундаж хурд нийт нутгаар 3 – 5 м/с хүрч салхилсан. Салхины хамгийн их хурд Хэрлэнбаян, Өндөрхаан, Биндэр, Дархан, Дэлгэрхаан, Жаргалтхаан сумдын нутгаар 23-24 м/с хүрсэн бол бусад сумдын нутгаар 13 - 22 м/с хүрсэн байна.
Тойм бичсэн уур амьсгалын судалгааны инженер Д.Ариунтуяа
Холбоотой мэдээний жагсаалт
Гарчиг | Үүсгэсэн огноо | Шинэчлэгдсэн огноо | Хандалт |
Чингис хотын хөлдөлт гэсэлт 2024.05.15 | 2024-05-27 | 1970-01-01 | 128 |
Уур амьсгал өөрчлөлт, хандлага 1 | 2016-11-08 | 1970-01-01 | 1384 |